Мартның беренче декадасында явым-төшем төрле урында төрлечә булды, уртача салкын һава торышы сакланды. Һава температурасы уртача климатик нормадан 1°ка түбәнрәк булып чыкты, ә күпчелек Идел алды районнарында, Казанда, Арчада һәм Чулпанда нормага якын булды.
Соңгы ун көндә республика кырларында кар катламы биеклеге 1 - 7 сантиметрга артты һәм хәзер ул 45 - 60 см тәшкил итә, урыны белән 65 - 75 сантиметрга җитә.
Җирнең туң өлеше 5 - 15 сантиметрга артты һәм 10 мартка туфракның туңган катламы чиге 50 - 90 см тирәнлеккә җитте, урыны белән 100 - 110 сантиметр.
10 марттан көннәр кинәт салкынаеп китте. Төннәрен һава температурасы -22...-27°С, аязган вакытларда -32°Ска кадәр төште, көндез максималь һава температурасы -11...-16°Стан күтәрелмәде.
Татарстан Республикасы Гидрометеорология һәм әйләнә-тирә мохитне күзәтү идарәсенең алдан фаразлавы буенча 13 мартта төнлә һаваның минималь температурасы -16...-21°С, аязган вакытларда -25°Ска кадәр төшәчәк. Максималь һава температурасы көндез -5...-10°С булачак. Явым-төшем көтелми.
«Россия авыл хуҗалыгы үзәге» ФДБУнең Татарстан Республикасы филиалы белгечләре тарафыннан көзге культуралар чәчүлекләре тикшерү өчен сайлап алынды. Тулырак мәгълүмат белән сылтама буенча танышырга мөмкин.