2019 елның 18 ноябренә Татарстан Республикасы орлык фонды торышы
«Россельхозцентр» ФДБУнең Татарстан Республикасы филиалы мәгълүматлары буенча, 2019 елның 18 гыйварына 356,3 мең тонна бөртекле, борчак кузаклы һәм ярма культуралары орлыгы әзерләнгән, бу 2019 елгы чәчү ихтыяҗының 104,9 %ын тәшкил итә. Республиканың 25 районында орлык чәчү ихтыяҗның 100%ын тәшкил итә. Иң югары күрсәткечләр Буа (206,1%) һәм Кама Тамагы (148,8%) районнарында. Бөгелмә (42,1%) һәм Питрәч (70,5% ) районнарында әзерлек дәрәҗәсе иң түбәне.
Бөртекле, борчак кузаклы һәм ярма культуралары орлык фондының бүгенге көнгә 268,6 мең тоннасы (75%) тикшерелгән, аларның 99 %ы – яраклы орлык, 89 %ы – югары репродукцияле орлык. Республиканың 8 районында – Алексеев, Арча, Әтнә, Балтач, Кукмара, Тәтеш, Теләче, Ютазы районнарында орлык сыйфатын тикшерү тәмәмланды. 6 районда орлыкны тикшерү күләме 50%тан кимрәк күрсәткечкә ия.
Шулай ук 54,3 мең тонна күләмдә бөртекле уҗым культураларының орлык фонды саклауда тора. Аларның 26,7 мең тоннасы (49,2%) чәчүлек сыйфатларына тикшерү үткән һәм 26,5 мең тонна (99,4%) орлык чәчү өчен яраклы дип табылган.
23,6 мең тонна күләмдәге бәрәңге орлыгы әзерләнгән, шуларның 56%ы чәчүлек сыйфатларына тикшерү узган.